為培育本土電商、推動業界發展，阿裏巴巴(09988)旗下外貿網上批發交易平台Alibaba.com搞咗個「跨境電商達人賽」，Alibaba.com香港區域經理文成樑就話，希望藉住比賽，發掘同肯定跨境電商有出色表現嘅香港商家，鼓勵香港企業、出口商齊齊努力，壯大香港跨境電商行業嘅市場規模喎。

佢仲話，作為電商平台，Alibaba.com會持續升級平台、提供完整配套，用科技幫下商家開拓市場，保住國際貿易競爭力。舉例指，今年推出人工智能(AI)生意助手，集合平台嘅外貿經驗及全球出入口數據，又提供自動選品、智能報價、智慧回覆等功能，商機轉化率提升8.4%，咁就可以密密做生意啦！

講返個奬，今屆由聯暉環保包裝(香港)攞到「年度最強達人」殊榮，至於「年度新星獎」及「超級賣家獎」就由電子公司宏晟智聯拎到，而天恆體育用品就攞到「創新電商獎」。