無牌虛擬資產交易平台JPEX涉嫌詐騙一案轟動全港，正喺中東外訪嘅財經事務及庫務局局長許正宇(Chris局長)當然非常關心事態發展，仲預告香港證監會稍後會公布點樣加強資訊發放，加大對市場警示作用等安排。

Chris喺地球另一面，搭住車「凳凳嚇」都要密密篤機、講電話跟進，唔知有冇睇埋啱啱詐仔個記者會呢？不過就一定有搵財庫局、證監會等監管部門傾電話，強調要從資訊發放、投資者教育、情報收集等各方面，強化和提升工作。

不過咁，一眾苦主最關注係「回水」問題，唔知Chris局長會唔會指示埋大家，畀啲效率呢？